രാഹുല്‍ ഈശ്വര്‍ പൊലീസ് കസ്റ്റഡിയില്‍

തിരുവനന്തപുരം:അതിജീവിതയെ അപമാനിച്ചുവെന്ന പരാതിയില്‍ രാഹുല്‍ ഈശ്വര്‍ കസ്റ്റഡിയില്‍.

തിരുവനന്തപുരത്തെ വീട്ടില്‍ നിന്നാണ് സൈബര്‍ പൊലീസ് രാഹുലിനെ കസ്റ്റഡിയിലെടുത്തത്. രാഹുല്‍ ഈശ്വറിനെ തിരുവനന്തപുരത്തെ തൈക്കാട്ടെ എആർ ക്യാമ്ബിലേക്ക് എത്തിച്ചു.

രാഹുല്‍ മാങ്കൂട്ടത്തിലിനെതിരെ പരാതി നല്‍കിയ അതിജീവിതക്കെതിരെ നിരന്തരമായി ആരോപണങ്ങളുന്നയിക്കുകയും സമൂഹമാധ്യമങ്ങളിലൂടെ ആക്ഷേപിക്കുകയും ചെയ്തുവെന്ന പരാതിയിലാണ് കസ്റ്റഡിയിലെടുത്തത്. രാഹുലിന്റെ ലാപ്‌ടോപ്പുകള്‍, മൊബൈല്‍ ഫോണ്‍ തുടങ്ങിയവയും പരിശോധനയ്ക്കായി പൊലീസ് കസ്റ്റഡിയിലെടുത്തിട്ടുണ്ട്.

ലൈംഗിക പീഡനക്കേസില്‍ ഒളിവില്‍ കഴിയുന്ന രാഹുല്‍ മാങ്കൂട്ടത്തിലിനെ ന്യായീകരിച്ചുകൊണ്ട് കഴിഞ്ഞ ദിവസങ്ങളിലായി രാഹുല്‍ ഈശ്വര്‍ സമൂഹമാധ്യമങ്ങളില്‍ പങ്കുവെച്ച പോസ്റ്റുകള്‍, വീഡിയോ ദൃശ്യങ്ങള്‍ എന്നിവയും അതിജീവിതയെ ആക്ഷേപിക്കുകയും ചെയ്യുന്ന തെളിവുകള്‍ സഹിതമാണ് യുവതി പരാതി നല്‍കിയിരിക്കുന്നത്. പെണ്‍കുട്ടി നല്‍കിയ തെളിവുകളും വിശദമായ പരിശോധിച്ചതിന് ശേഷം പരാതിയില്‍ കഴമ്ബുണ്ടെന്ന് ബോധ്യത്തിലാണ് പൊലീസ് രാഹുലിനെ കസ്റ്റഡിയിലെടുത്തിരിക്കുന്നത്.

കസ്റ്റഡിയിലെടുത്ത് അല്‍പസമയങ്ങള്‍ക്ക് മുമ്ബാണ് രാഹുലിനെ തിരുവനന്തപുരത്തെ എ.ആര്‍ ക്യാമ്ബില്‍ എത്തിച്ചത്. വൈകാതെ ചോദ്യം ചെയ്യും. സൈബർ എസിപിയുടെ നേതൃത്വത്തിലായിരിക്കും ചോദ്യംചെയ്യല്‍.

വീട്ടിലെ എസി മോഷ്ടിക്കുന്നത് ദുബായിലിരുന്ന് വീട്ടുടമ സിസിടിവിയില്‍ ലൈവായി കാണ്ടത് നാടോടി സ്ത്രീ കൾ അറിഞ്ഞത് പോലീസ് പിടികൂടി യപ്പോൾ

കാസർകോട്:വീട്ടുമുറ്റത്ത് അഴിച്ചുവെച്ചിരുന്ന എസി നാടോടിസ്ത്രീകള്‍ കടത്തിക്കൊണ്ടുപോവുന്നത് ദുബായിലിരുന്നു വീട്ടുടമ കാണുന്നത് മോഷണം നടത്തിയ സ്ത്രീ കൾ അറിഞ്ഞത് പോലീസ് പിടികൂടി യപ്പോൾ.കടത്തികൊണ്ടുപോയ എസിആക്രിക്കടയില്‍ വിറ്റു. ദുബായിയില്‍ കുടുംബസമേതം താമസിക്കുന്ന പ്രവാസിയുടെ വീട്ടിലാണ് മോഷണം നടന്നത്. ദുബായിലിരുന്ന് മോഷണം സിസിടിവിയില്‍ കണ്ടു. വിവരം അറിയിച്ചതിനെത്തുടര്‍ന്ന് എസി കടത്തിയ സ്ത്രീകളെ പോലിസ് കണ്ടെത്തുകയായിരുന്നു വ്യാഴാഴ്ച ഉച്ചയ്ക്കുശേഷം മാങ്ങാട് കൂളിക്കുന്നിലെ വീട്ടിലാണ് സംഭവം നടന്നത്. വീട്ടിലെ ജോലിക്കാരന്‍ പുറത്തുപോയ സമയത്താണ് മൂന്ന് നാടോടി സ്ത്രീകള്‍ വീട്ടിലെത്തുന്നത്. ആരുമില്ലെന്ന് മനസ്സിലാക്കിയ ഇവര്‍ വീട്ടുപരിസരം അരിച്ചുപെറുക്കി. നിലത്തുകണ്ട എസിയുമായി കടന്നുകളയുകയായിരുന്നു. പുതിയ സ്പിളിറ്റ് എസി വാങ്ങിയപ്പോള്‍ പഴയത് ഊരിവെച്ചതാണ് സ്ത്രീകള്‍ കടത്തിയത്. പിന്നീട് നടത്തിയ അന്വേഷണത്തില്‍ എസി കളനാട്ട് പാഴ്വസ്തുക്കള്‍ വാങ്ങുന്ന കടയില്‍ 5200 രൂപക്ക് വിറ്റതായി മനസ്സിലായി. നാടോടി സ്ത്രീകളെയും, വില്‍പ്പന നടത്തിയ എസിയും കണ്ടെടുത്തു. പ്രവാസി പരാതി നല്‍കാതിരുന്നതിനാല്‍, നാടോടി സ്ത്രീകളെ പോലിസ് താക്കീത് നല്‍കി വിട്ടയച്ചു.

എസ്.ഐ.ആർ സമയപരിധി നീട്ടി കേന്ദ്ര തെരഞ്ഞെടുപ്പ് കമീഷൻ.ഫോമുകൾ സമർപ്പിക്കാൻ കൂടുതൽ സാവകാശം

ഫോം വിതരണം ഡിസംബര്‍ 11വരെ, കരട് പട്ടിക 16ന്

തിരുവനന്തപുരം: എസ്.ഐ.ആറിന്റെ സമയപരിധി നീട്ടി കേന്ദ്ര തെരഞ്ഞെടുപ്പ് കമീഷൻ. എസ്.ഐ.ആറിന്റെ ഫോമുകൾ സമർപ്പിക്കാനുള്ള സമയപരിധി ഒരാഴ്ച നീട്ടിയിട്ടുണ്ട്. ഇതോടെ എനുമറേഷൻ ഫോമുകൾ ഡിസംബർ 11നുള്ളിൽ നൽകിയാൽ മതിയാകും. ഡിസംബർ 16നാവും കരട് വോട്ടർ പട്ടിക പ്രസിദ്ധീകരിക്കുക. ഫെബ്രുവരി 14ന് അന്തിമ വോട്ടർപട്ടിക പ്രസിദ്ധീകരിക്കും. കേരളമടക്കം 12 സ്ഥലങ്ങളിലാണ് എസ്.ഐ.ആറിന്റെ സമയപരിധി നീട്ടിയത്.കേരളത്തിൽ ബി.ജെ.പി ഒഴികെയുള്ള പാർട്ടികളെല്ലാം എസ്.ഐ.ആർ നീട്ടണമെന്ന് ആവശ്യപ്പെട്ടിരുന്നു. തദ്ദേശസ്വയംഭരണ തെരഞ്ഞെടുപ്പ് നടക്കുന്ന സാഹചര്യത്തിൽ എസ്.ഐ.ആർ വിവരശേഖരണം നടത്താനാവില്ലെന്നായിരുന്നു പാർട്ടികളുടെ നിലപാട്. കേരളത്തിൽ ഡിസംബർ ഒമ്പത്, 11 തീയതികളിൽ രണ്ട് ഘട്ടമായിട്ടാണ് തദ്ദേശസ്വയംഭരണ തെരഞ്ഞെടുപ്പ് നടക്കുന്നത്. ഡിസംബർ 13നാണ് തെരഞ്ഞെടുപ്പിന്റെ ഫലം പുറത്ത് വരുന്നത്.കേരളത്തിൽ എസ്.ഐ.ആറിന്റെ ഭാഗമായി വിതരണം ചെയ്ത ഫോമുകളിൽ 42 ലക്ഷം എണ്ണമാണ് ഇനി തിരികെ ലഭിക്കാനുള്ളതെന്ന് തെരഞ്ഞെടുപ്പ് കമീഷൻ കഴിഞ്ഞ ദിവസം അറിയിച്ചിരുന്നു. 2.78 കോടിയിൽ 99.5 ശതമാനം (2.76 കോടി) ഫോമുകൾ​ വിതരണം ചെയ്തെന്നാണ്​ കമീഷന്‍റെ കണക്ക്​. ഇതിൽ 85 ശതമാനമായ 2.34 കോടി ഫോമുകളാണ്​ തിരികെ എത്തിയത്.

2.34 കോടി ഫോമുകളിൽ 75 ശതമാനവും ഡിജിറ്റൈസ്​ ചെയ്​തെന്നാണ്​ കമീഷന്റെ നിഗമനം​.​ അപ്​ലോഡ്​ ചെയ്ത എന്യൂമറേഷൻ ഫോമുകളുടെ എണ്ണം 1.75 കോടി വരും. കിട്ടിയിട്ടും ഡിജിറ്റൈസ്​ ചെയ്യാൻ അവശേഷിക്കുന്നത്​ 59 ലക്ഷം ഫോമുകളാണ്​. ഡിജിറ്റൈസ്​ ചെയ്തതിൽ 91 ശതമാനത്തിലും മാപ്പിങ്​ പൂർത്തിയാക്കാനായി. 2002ലെ പട്ടികയിൽ പേരുള്ളവരോ രക്ഷിതാക്കൾ പട്ടികയിൽ ഉൾപ്പെട്ടവരോ ആണ്​ ഈ 91 ശതമാനമായ 1.59 കോടി പേർ. ഇവർ തിരിച്ചറിയിൽ രേഖകൾ സമർപ്പി​ക്കേണ്ടിവരില്ല. ​ശേഷിക്കുന്ന ഒമ്പത്​ ശതമാനമായ 16 ലക്ഷം പേർ രേഖകൾ സമർപ്പിക്കണം​. ഡിജിറ്റൈസേഷൻ 71 ശതമാനം പിന്നിട്ടപ്പോൾതന്നെ കണ്ടെത്താനാകാത്തവരുടെ എണ്ണം 7.61 ലക്ഷം കവിഞ്ഞു. ഇതിൽ 3.41 ലക്ഷം മരിച്ചവരാണ്​. 88,945 പേരെ കണ്ടെത്താനായിട്ടില്ല. 2.79 ലക്ഷംപേർ സ്ഥിരമായി താമസം മാറിയവരാണ്"

സോഷ്യൽ മീഡിയയിലും പിടിമുറുക്കി,വാട്‌സാപ്പും ടെലഗ്രാമുമെല്ലാം ആക്ടീവ് സിംകാർഡുമായി ബന്ധിപ്പിക്കണം - കടുത്ത നിലപാടുമായി കേന്ദ്രം

ന്യൂഡൽഹി: മെസേജിങ് ആപ്ലിക്കേഷനുകളായ വാട്‌സാപ്പ്, സിഗ്നൽ, ടെലിഗ്രാം തുടങ്ങിയവ ഉപയോക്താക്കളുടെ സജീവമായിരിക്കുന്ന സിംകാർഡുമായി ബന്ധിപ്പിക്കണമെന്നതുസംബന്ധിച്ച് കേന്ദ്ര വാർത്താവിനിമയ മന്ത്രാലയം കർശന നിർദേശം പുറത്തിറക്കി. പുതിയ മാർഗനിർദേശപ്രകാരം ആപ്ലിക്കേഷനുമായി ബന്ധിപ്പിച്ചിരിക്കുന്ന മൊബൈൽ നമ്പറുള്ള സിംകാർഡ് ഫോണിൽ ആക്ടീവല്ലെങ്കിൽ ആപ്പുകൾ പ്രവർത്തിപ്പിക്കാനാകില്ല.

ആപ്ലിക്കേഷനുകൾ നിർദേശം 90 ദിവസത്തിനകം നടപ്പാക്കണം. 120 ദിവസത്തിനകം മന്ത്രാലയത്തിന് റിപ്പോർട്ട് സമർപ്പിക്കുകയും വേണം. നിലവിൽ ഫോണിൽ സിംകാർഡില്ലാതെയും ഇത്തരം ആപ്ലിക്കേഷനുകൾ ഉപയോഗിക്കാനാകുമെന്നത് സൈബർലോകത്ത് സുരക്ഷാഭീഷണിയുണ്ടാക്കുന്നെന്ന് ചൂണ്ടിക്കാട്ടിയാണ് നടപടി.

ചട്ടങ്ങൾ പാലിക്കാതിരുന്നാൽ ടെലികമ്യൂണിക്കേഷൻസ് ആക്ട് 2023 പ്രകാരം നടപടിയുണ്ടാകുമെന്നും മന്ത്രാലയം അറിയിച്ചു. മെസേജിങ് ആപ്പുകളുടെ വെബ് വേർഷനുകൾക്കും കർശനനിയന്ത്രണമുണ്ടാകും. വെബ് വേർഷനുകൾ ആറുമണിക്കൂറിൽ ഒരിക്കൽ സ്വമേധയാ ലോഗ് ഔട്ടാകും.

കാനത്തില്‍ ജമീല അന്തരിച്ചു

കോഴിക്കോട്: കൊയിലാണ്ടി എംഎല്‍എ കാനത്തില്‍ ജമീല അന്തരിച്ചു. കോഴിക്കോട്ടെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലിരിക്കെയാണ് അന്ത്യം. അര്‍ബുദബാധിതയായ ജമീല ആറുമാസത്തോളമായി വീട്ടില്‍ വിശ്രമത്തിലായിരുന്നു.

2021-ലെ തെരഞ്ഞെടുപ്പിൽ ഇന്ത്യൻ നാഷണൽ കോൺഗ്രസിലെ എൻ. സുബ്രഹ്മണ്യനെ 8472 വോട്ടുകൾക്ക് പരാജയപ്പെടുത്തിയാണ് കാനത്തിൽ ജമീല നിയമസഭയിലേക്ക് എത്തിയത്. മുൻപ് കോഴിക്കോട് ജില്ലാ പഞ്ചായത്ത് പ്രസിഡന്റായിരിരുന്ന ജമീല ഗ്രാമപഞ്ചായത്തിലും ബ്ലോക്ക് പഞ്ചായത്തിലും മത്സരിച്ചു ജയിച്ചിട്ടുണ്ട്.അത്തോളി ചോയികുളം സ്വദേശിനിയാണ് കാനത്തില്‍ ജമീല. ഭര്‍ത്താവ് കാനത്തില്‍ അബ്ദുറഹ്‌മാന്‍, മക്കള്‍: അയ്റീജ് റഹ്‌മാന്‍, അനൂജ."

 

ദിവ്യഗര്‍ഭം വാഗ്ദാനം ചെയ്ത് യുവതിയെ പീഡിപ്പിച്ചെന്ന്; ''ആത്മീയ യൂട്യൂബര്‍'' അറസ്റ്റില്‍

നിലമ്പൂർ:ദിവ്യ ഗര്‍ഭം വാഗ്ദാനം ചെയ്ത് യുവതിയെ ലൈംഗികമായി ഉപയോഗിച്ചയാള്‍ അറസ്റ്റില്‍. കാളികാവ് സ്വദേശി സജിന്‍ ഷറഫുദ്ദീനെയാണ് കൊളത്തൂര്‍ പോലിസ് തിരുവനന്തപുരത്തുനിന്ന് അറസ്റ്റ് ചെയ്തത്. 'മിറാക്കിള്‍ പാത്ത്' എന്ന യൂട്യൂബ് ചാനലിന്റെ ഉടമയാണ് പ്രതി. പലതരം ആഭിചാര ക്രിയകള്‍ നടത്തുന്നയാളാണ് താന്‍ എന്നാണ് ഇയാള്‍ അവകാശപ്പെട്ടിരുന്നത്. അത് വിശ്വസിച്ചാണ് യുവതി എത്തുന്നത്. കുട്ടിയില്ലാത്ത യുവതി കുട്ടിയെ വേണമെന്നാണ് ആവശ്യപ്പെട്ടത്. ദിവ്യഗര്‍ഭം ഉണ്ടാക്കാന്‍ തനിക്ക് ശേഷിയുണ്ടെന്ന് ഇയാള്‍ യുവതിയെ വിശ്വസിപ്പിച്ചു. പിന്നീട് യുവതിയുടെ വീട്ടില്‍ എത്തി ലൈംഗികമായി ഉപയോഗിക്കുകയായിരുന്നു. പിന്നീടാണ് യുവതി പോലിസില്‍ പരാതി നല്‍കി. പ്രതി തിരുവനന്തപുരത്ത് ഒളിവില്‍ കഴിയുകയായിരുന്നതിനിടയിലും കഴിഞ്ഞ ദിവസവും ഇയാളുടെ യൂട്യൂബ് ചാനലില്‍ വീഡിയോകള്‍ പോസ്റ്റ് ചെയ്തിട്ടുണ്ട്.

ഈർപ്പോണയിൽ തീപാറും മൽസരം;കോൺഗ്രസ്സ് മണ്ഡലം വൈസ് പ്രസിഡൻ്റും, മണ്ഡലം ജനറൽ സെക്രട്ടറിയും നേർക്കുനേർ

താമരശേരി: ത്രിതല തെരഞ്ഞെടുപ്പിൽ കോൺഗ്രസ്സ് മണ്ഡലം വൈസ് പ്രസിഡൻ്റും, മണ്ഡലം ജനറൽ സെക്രട്ടറിയും നേർക്കുനേർ അങ്കത്തിന് . താമരശേരി ഗ്രാമപഞ്ചായത്ത് പതിനെട്ടാം വാർഡിലാണ് യു.ഡി.യ

എഫിൻ്റെ ഔദ്യോഗിക സ്ഥാനാർത്ഥിയായ കോൺഗ്രസ്സ് മണ്ഡലം വൈസ് പ്രസിഡൻ്റ് നവാസ് ഈർപ്പോണക്കെതി മണ്ഡലം  ജനറൽ സെക്രട്ടറി വി.കെ.എ കബീർ വിമത സ്ഥാനാർത്ഥിയായി  ആപ്പിൾ ചിഹ്നത്തിൽ മത്സരിക്കുന്നത്.   സ്ഥാനാർത്ഥി നിർണയത്തിൽ ഫ്രഷ്ക്കട്ട് കമ്പനി ഉടമകൾ സ്വാധീനം ചെലുത്തുന്നുണ്ട്എന്നആരോപണവുമായി കബീർ പരസ്യമായി രംഗത്ത് വന്നിരുന്നു. 

നവാസ് നാലാം തവണയും, കബീർ രണ്ടാം തവണയുമാണ് മത്സരിക്കുന്നത്.നവാസ് ഈർപ്പോണ താമരശേരി പഞ്ചായത്ത് വൈസ് പ്രസിഡൻ്റ് പദവി അലങ്കരിച്ച വ്യക്തി യാണ്.ജില്ലയിൽ തന്നെ കോൺഗ്രസിന്റെ ഏറെ സ്വാധീനമുള്ള വാർഡിലാണ് റിബൽ രംഗത്ത് വന്നത് എന്നത് ഏറെ ചർച്ചകൾക്ക് കാരണമായി.യു.ഡി.എഫിൽ കബീറിനെ തള്ളാനും കൊള്ളാനും പറ്റാത്ത അവസ്ഥ യാണുളളത്.അത്കൊണ്ട് തന്നെ ഇവിടെ മൽസരം ഏറെ കടുത്തതാവും .കെ.എം ബാബു വാണ് ഇടതുമുന്നണി സ്ഥാനാർഥി. ബിജെ.പി യുടെ

കരുണിച്ചാൽഗോപാലനും,എസ്.ഡി.പി.ഐ യുടെ അഷ്റഫ് ക്ണ്ണ്യരുപ്പുമാണ് മൽസര രംഗത്തു ളളത്.ഇവിടെ കബീറിൻ്റെ സ്ഥാനാർഥിത്വം ഇടത് മുന്നണി യേക്കാൾ ഗുണം ചെയ്യുക എസ്.ഡി.പി.ഐക്കാവുമെന്നാണ് രാഷ്ട്രീയ നിരീക്ഷകരുടെ വിലയിരുത്തൽ.